ابي افهم ليش مو كل كويتي يعرف اسماء شهدائنا الابرار واسماء اسرانا والمفقودين ليش
ليش مامره لو يسئلوني عن عنوان بيتنا اقولهم تعال من صوب شارع الشهيده اسرار القبندي المتفرع من شارع الشهيده وفاء العامر وعلى يمينك تلقى منطقة فائق عبدالجليل اللي قبال ضاحية عبدالله الراشد
ليش مامناهجنا في المدارس تجبر الطالب يعرف اسم كل شهيد وشلون استشهد وليش
ليش مامدارسنا تكون على اسم اسرانا ومفقودينا ليش اختفت الاغاني الوطنيه وابريت الشهيد
ياناس ياعالم هذول الناس رووا ارض الكويت بدمهم مو جزاتهم صور واذا اشتهينا بكل مناسبه نجيب طاري واحد او اثنين
لازم عيالنا يعرفون منو شهدائنا وعيال شهدائنا واسرانا ينشهرون وكل مايمشون بمكان الناس تأشر عليهم هذولي عيال البطل هذول اخوان البطل
عشان نفهم اجيالنا ان اللي يضحي لهالبلد يلقى حب الناس موجود
على فكره للاسف انا مافي احد من عايلتنا شهيد او اسير بس لاني كويتي احس واتشرف قبل لااحس انهم اخواني وخواتي
اذكر بأيام الازمه على فكره انا كنت مو بالكويت كان حديث الكويتيين شلون استشهد فلان واشسوا بالقوات العراقيه
شهدائنا ياناس واسرانا ياحكومتنا نبي نعرفهم ونعرف افعالهم وهذا ابسط شي نقدمه لهم
موشاطرين بترزز عوير وزوير واالمنكسر واللي مافيه خير
قاقوووووووووووووووووووووقااااااااااااااااااااا
هناك ٤ تعليقات:
لأن اسامي مناطقنا وشوارعنا توزعت بين شيوخ ماحد سمع فيهم وبانجازاتهم هذا ان كان عندهم انجازات
وبين اسامي لاشخاص عاشوا من آلاف السنين ومالنا علاقة فيهم
طبعا آنا ما انكر انجازات ابو العلاء المعري والا ابن سينا
بس الاولى ان احنا نذكر انجازات الكويتي والعرب الاولين نسويلهم متاحف
فتى الجبل
انت وايد قوي
وقوتك في صحة كلامك
فيه ناس افعالهم كبيره اقل شي نسويه نحط شارع باسمهم
وفيه ناس ماسووا شي ومابي اكمل انا مو قوي مثلك
وييييييييييينك ؟؟؟؟
عسي المانع خير يا خوي ؟؟
طمنا عليك !!!
نسيت الباسوورد واخير ااكتشفته شكرا علالسؤال
إرسال تعليق