أمثال

من الأمثال الكويتيه



إذا الطمّاع ماجود العيّار عايش


أبليس مايخرب عشّه

أبو مزاح إن شفته وإلا راح

اذا طبع دوس ترّيجه

إذا عطوك الشيوخ مرق حط بشليلك

إذا لقيتني بالقطيف قطف آذاني تقطيف

تف على مالي عقب حالي

ثور معمعم


جد البقر ثور

الجنه بلا ناس توحش

حب ببلاش مثل حمى بالفراش

حذفة عمي صادت أرنب

خروف مقرنن

دخله بالغار وصاح عليه حرامي


زرع الميانين يطلعه رب العالمين


سويده وبايقه

شبعونا طراقات وشبعناهم تهايم


شريجه تحر ولو هي في القبر


ضحك ابو السنتين وغشت أمه


الضيج بالقبر


عافها عزيمه وجاها طراره


طق الكلب يستادب الفهد

طلقها وإخذ اختها قال الله يلعن الثنتين

ظلم بالسويه عدل بالرعيه


عبدالواحد طوله وعرضه واحد


عبد غيرك حر مثلك

عذاب الهداهد


عرس قطاوه


عصاته سيف


عطيتنا اياه مفصخ إخذه بهدومه

الفقر يرث بالرجال عيوب


قال ماأطيب فلان قال من ردا ربعه


القلب دكان كل واحد له مكان


كم من هذه الامثال يتماشى مع اوضاعنا الحاليه ؟؟؟؟

اصنع بيدي تابوتي

ابي افهم ليش مو كل كويتي يعرف اسماء شهدائنا الابرار واسماء اسرانا والمفقودين ليش

ليش مامره لو يسئلوني عن عنوان بيتنا اقولهم تعال من صوب شارع الشهيده اسرار القبندي المتفرع من شارع الشهيده وفاء العامر وعلى يمينك تلقى منطقة فائق عبدالجليل اللي قبال ضاحية عبدالله الراشد

ليش مامناهجنا في المدارس تجبر الطالب يعرف اسم كل شهيد وشلون استشهد وليش

ليش مامدارسنا تكون على اسم اسرانا ومفقودينا ليش اختفت الاغاني الوطنيه وابريت الشهيد

ياناس ياعالم هذول الناس رووا ارض الكويت بدمهم مو جزاتهم صور واذا اشتهينا بكل مناسبه نجيب طاري واحد او اثنين

لازم عيالنا يعرفون منو شهدائنا وعيال شهدائنا واسرانا ينشهرون وكل مايمشون بمكان الناس تأشر عليهم هذولي عيال البطل هذول اخوان البطل

عشان نفهم اجيالنا ان اللي يضحي لهالبلد يلقى حب الناس موجود

على فكره للاسف انا مافي احد من عايلتنا شهيد او اسير بس لاني كويتي احس واتشرف قبل لااحس انهم اخواني وخواتي

اذكر بأيام الازمه على فكره انا كنت مو بالكويت كان حديث الكويتيين شلون استشهد فلان واشسوا بالقوات العراقيه

شهدائنا ياناس واسرانا ياحكومتنا نبي نعرفهم ونعرف افعالهم وهذا ابسط شي نقدمه لهم

موشاطرين بترزز عوير وزوير واالمنكسر واللي مافيه خير

قاقوووووووووووووووووووووقااااااااااااااااااااا

قاقوقا

محظوظه مبروكه قاقوقا


بدأت الدخول لعالم المدونات من الان الله يعينكم
قاقوقا هو مصطلح استنبطه الممثل سمير القلاف في مسلسل على الدنيا السلام
قاقوقا هو شخص خيالي يرى الوضع العام بنظره قاقوقيه